友邦香港「一哥」陳榮聲（Jacky）舊年底同成班高層拍咗條片，係咁rap：「who is the best is AIA...」令過萬網民O晒咀。佢最近爆料，指呢首歌源自一位本地rapper。
聞說呢位rapper叫做R.X黃浩邦，根據網上資料，佢今年廿三歲，係beatbox（節奏口技）高手。友邦舊年請佢去一個招聘會，佢rap咗首《點解要加入AIA Y Club》，管理層就將佢呢隻歌演變成網上嗰個版本。
Jacky讚首歌有活力又年輕，自己都要獻身做埋手勢yoyoyo。佢話拍片唱歌係第一次，做友邦管理層真係唔容易㗎。
至於條片俾網民笑，Jacky冇唔開心，仲話上得社交媒體就要大方啲，遲啲可能越玩越勁㖭呀，「點會唔敢再玩啫」。