新年將至，勞工及福利局局長張建宗率先向基層人士「派利是」，佢噚日到大埔主持「香港心理衞生會賽馬會恆悅坊」開幕典禮，話綜援同生果金由二月一日起上調4.7%，更透露嚟緊財政預算案將會宣佈增加對社區精神復康計劃撥款，八方相信佢都係想農曆新年前先放好消息，等弱勢社群可以過一個開心新年。張建宗出席活動時仲自爆好鍾意去大埔區出席社福機構活動，皆因呢區出名多美食喎。局長工作不忘醫肚，搵好嘢食，果然不負「小肥張」外號。為食，是常識吧！