數下手指仲有十日就過年，馬去羊來大家近日又趕辦年貨，呢幾年香港物價起勢咁升，租樓、出街食飯以至買罐汽水，樣樣都加得好犀利。
咪同儲局對賭
相反，家陣冚世界除咗美國玩退市，其他如歐洲、日本、瑞士等都要玩負利率對抗通縮，仲要好似鬥晒冷咁勢，情況真係好罕見。
歐、日等地經濟唔掂要不斷減息，趕晒啲錢入主權債，令國債孳息不斷沉底，就連美國十年期國債孳息至今仍低於兩厘，令市場揣測聯儲局被迫押後加息。不過，儲局至今加息立場未見動搖，上周五就業報告省鏡，賭押後加息難有運行。
美國一月新增職位達25.7萬個，高超市場預期的22.9萬個，去年十二月新增職位更大幅向上修訂至32.9萬，當中最大亮點是工資，期內每小時平均工資升幅達0.5%，創三年最大增幅。雖然失業率反彈0.1個百分點至5.7%，但主要與多番人搵工有關。
數據出爐後，美國十年期國債孳息當日由1.8厘應聲抽上1.96厘，反應市場對儲局延遲加息的期望降溫，其中對孳息差距最敏感的日圓就好有反應，美元收報119.14日圓，升幅達1.4%。歐元係希臘隱憂影響下由1.1478兌1美元跌落返落去1.1316。短線方面，美元兌日圓主要睇兩國孳息差，歐元就視乎希臘同歐盟討價還價結果，不明朗因素較大，短期逢低沽日圓較值博。
奇兵
本欄逢周一刊出