特首梁振英上場之後，時不時就玩杯葛，仲要逼成個政府陪佢玩，今次對象係民主黨黨慶，一眾官員就被「一男子」下令唔可以現身撐場。不過，噚日人稱阿牛嘅社民連曾健成娶新抱（圖），財爺曾俊華都有到賀，同場泛民處處，民主黨人當然唔少得，就連畀梁振英用完即棄嘅「尖啤」劉夢熊都有出席，唔知梁特之後使唔使禁埋官員出席泛民人士婚宴呢？講開又講，負責民主黨黨慶籌款嘅李華明（Fred）話，二○一三年嗰次有六十四個官員出席黨慶酒會㗎。阿Fred話除咗唐英年繼續贊助紅酒外，恒地執行董事黃浩明捐咗一箱一九九四年嘅Petrus，一支市價都過萬，希望今年拍賣有好成績。