近排流感肆虐，好多人都紛紛中招，圈中都有唔少藝人好似汪明荃、關楚耀及陳法蓉都先後病倒，而何佩瑜（Jeana）前晚喺網上都自爆病咗，仲去銅鑼灣睇醫生，點知就睇到一肚火。
Jeana前晚喺Instagram貼咗張相，然後就爆seed話乜都要排隊：「去銅鑼灣睇醫生，人多車多，買雞蛋仔食，又要排隊，買鮮橙汁要排隊，去藥房買少少野（嘢），又要排隊，想搭的士返屋企call車行西隧，再另加$200，都沒車，街車竟然講，架車沒氣要入氣﹗最後又病又暈又凍，係街度等了1小時﹗想點呀其實﹗使唔使咁誇張呀﹗只是過一個正常人的生活，真的要這麼困難嗎﹗﹗香港﹗﹗」唉~真係見到都戥佢陰公豬豬囉。