學舌鳥企得咁前，怕唔怕返唔到大陸做嘢？組員阿天就話情願唔返大陸好過︰「其實我諗清楚，我對於喺呢個國家工作係極之反感！我試過畀人打！嗰次之後我就唔想再做！」
阿天係一名廣告副導演，咁副導演返大陸拍嘢點解會畀人打呢？阿天就話︰「佢哋講好咗，又會唔算數，成日問你搲錢，成日呢樣嗰樣，又話要乜嘢關係先得！我知道好多香港導演都被blacklist咗，既然係咁唔爭在啦，我有一個諗法係，如果大家都被blacklist晒係咪仲好呢？大家返晒嚟拍港產片，唔好再拍合拍片喇！」
柳爺都鼓勵一下阿天︰「其實香港都有好多機會，大家都睇到呢啲網上創作人有幾犀利o架啦！」咪就係！肯食腦，駛乜驚冇飯食呀！
星期五六日《亂噏24》！香港大把機會！