由《430穿梭機》做到《放學ICU》，除了譚玉瑛姐姐將三十二年青春全奉獻給兒童節目之外，其實還有一眾童星、小主持、藝人等等，陪伴著大家的童年。
數到兒童節目，不得不提比《430》更早的《跳飛機》，原來和Sunny哥哥合作多年、現職速遞公司總監的「怪獸」嚴秋華，對於當年在節目中一直見聲不見樣，一度耿耿於懷，但至今仍十分回味和小朋友及Sunny哥哥的開心合作。
於《430穿梭機》的人氣環節《黑白殭屍》中，和周星馳拍檔的龍炳基談到：「星仔蝦嗰個肥仔，唔係蝦佢，係想打佢，嗰時我哋唔抵得，個肥仔當時幾紅！」
而四代兒童節目主腦、曾廣平監製則最喜歡主持朱茵，他說：「佢太靚喇，一入到《閃電傳真機》已經好吸引，所以留唔住佢，好快被戲劇細邀請出去。」
早已各散東西的《閃電傳真機》主持蔡子健、魯文傑、唐韋琪和伍文生，今日都已是年過四十的「哥哥姐姐」，轉戰飲食業的伍文生已是三孩子之父，而重返校園的魯文傑，baby則十三個月大。他們相隔十多年後再次重聚，即有說不盡的話題，回味着《閃電傳真機》人人爆騷爆到七彩、兒童節目最輝煌的開心年代。改行財務策劃的蔡子健謂:「以前好多外景，介紹香港唔同地方，內容好豐富，好似縮水版《歡樂今宵》，主持轉好多造型，用新人角度睇，係一個好好訓練機會。」他們更說當年為了要做好榜樣，要成為小朋友心目中的大哥哥大姐姐，連染髮、塗指甲油都不可，魯文傑說：「監製話唔准去機鋪打機、食煙同講粗口。」