大陸人的確係頂癮，柳爺就分享咗一次搞笑經歷︰「我試過喺大陸街頭拍嘢，拍完之後啲大陸人嚟問我，可唔可以影張相？咁我就同佢哋合照啦，點知合完照之後，佢哋就問我個攝影師︰「這是誰啊?」」連人哋係乜水都唔知，唔好執輸影咗先講，非常之有大陸風。阿修亦都忍唔住分享一次差唔多嘅經歷︰「我哋拎住個行李篋跳舞嗰段，其實都係一樣，有啲大陸客又笑住睇又笑住嚟影相，我心諗，話緊你呀！寸緊你呀！」唔係講笑，小編斗膽假設，如果直接請班大陸人一齊嚟跳鳩嗚舞，分分鐘都肯同你跳埋一份！星期五六日《亂噏24》！寸緊你都唔知！