許雅婷（Kabby）昨日在灣仔出席動玩博覽開幕活動，以超密實的和服look示人，她笑稱動玩不一定要性感並稱自己本身喜愛日本，她說：「我鍾意食日本嘢同埋睇櫻花，日本男仔最鍾意木村拓哉。」笑問Kabby會想結識日本男士？她說：「咁我要學吓啲日文先，但係我唔抗拒，雖然語言都係一個問題，我唔會理對方係乜嘢國籍。」Kabby更透露農曆年計劃與家人去日本旅行度新歲。