【ATV告急之終現曙光】
朱慧珊、蔡國威和陳綺明等昨日在亞視總台出席《ATV2015 人氣春晚 明天會更好》拜神儀式，日前亞視高層葉家寶找來玄學家李居明到亞視擺陣，結果本報接獲消息打救亞視的「白武士」名單曝光，包括大連萬達集團董事長王健林、亞視前老闆邱德根兒子邱達昌、全國政協委員兼香港資源主席黃英豪，以及投資影音連鎖店HMV的滙友資本大股東胡景邵。
身為老臣子之一的朱慧珊，坦言從報紙上獲悉此事，問她會否希望前老闆邱德根兒子邱達昌入主，她說：「係呀，我都希望佢可以成為其中一位老闆，我好懷念邱生嘅年代。」蔡國威亦說：「如果係邱生個仔二公子都好呀，起碼佢對亞視嘅歷史都深刻啲，不過邊個都好，最緊要係有錢，希望入主後可以對員工啲薪酬調整。」陳綺明表示：「如果係邱生的話就更好，感覺就好似舊同學聚會咁，親切感更多。如果係真，都是幾好嘅感覺，同埋多人贊成。」
另一方面，亞視經指點迷津後，不單燈火通明，大堂的接待處由左邊變到右邊，大型buddy亦已搬走，錄影廠擺滿新年佈置，感覺喜氣洋洋。亞視執董葉家寶被問當晚的演出內容，他說：「今次係我哋自己主辦，我哋會將啲舊材料翻用，所以只係用咗幾萬蚊製作費，亦都取消咗啲嘉賓喺台下食飯，連嗰晚有藝員同民間團體嚟表演，藝員會有騷錢，以歌舞同開心為主。」
採訪：卓寶花
攝影：沈健程
