既關係兩支球會的恩怨，也是英超爭前四的重頭對決，英超北倫敦打吡周六早場舉行，由熱刺在白鹿徑迎戰阿仙奴。儘管兵工廠近一個月氣勢如虹，但他們今場有首席射手阿歷斯山齊士受傷；熱刺今仗「夫添」出戰，哈利卡尼及基斯甸艾歷臣兩大射手狀態大勇，有力抵抗阿仙奴。今仗熱刺受讓平/半，宜捧下盤。
雖然熱刺在英足盃被淘汰，但他們近況不錯，在英聯盃淘汰錫菲聯，打入決賽，至於在聯賽方面就錄得兩連勝，分別主場贏新特蘭2:1，上仗就作客以3:0大破西布朗。陣容上，熱刺沒有球員受傷或停賽，全部人可供阿根廷籍領隊普捷天奴差遣。熱刺前鋒哈利卡尼今季表現令人眼前一亮，近期腳風都順，包括上場梅開二度。中場基斯甸艾歷臣同樣狀態大勇，近兩場射入三球，此子今季時常在尾段入波，為球隊平反敗局，甚至險勝對手。
槍手續缺山齊士
阿仙奴暫排聯賽第五位，與第四位的修咸頓同分，領先熱刺兩分，爭前四的形勢非常緊湊，一場勝負便會大執位。阿仙奴是近期最強勢的球隊，錄得五連勝，其中上仗更在主場大炒阿士東維拉5:0。不過，今場是作客，對手更加是強隊熱刺，肯定難踢得多。領隊雲格賽前確認，今季射入十二個聯賽入球的山齊士繼續養傷，與阿歷士張伯倫、阿迪達及迪保治等一同缺陣。雖然韋碧克有望傷癒復出，但料他後備居多。
文：咖喱
識睇，一定係睇足英台【英波Live】：
http://soccer.appledaily.com
http://bit.ly/engballlive