廖偉雄（阿燦）日前接受汪曼玲在有線主持的節目訪問，提到當年突然退隱從商，阿燦坦言大部份原因是為了太太：「做娛樂圈會接觸好多唔同類型嘅人，成日都要應酬，同場點都會有其他女星，老婆知道好唔高興。」他更說：「當時諗一係離婚，一係就要離開娛樂圈，最後決定轉行。我覺得兩個人可以係埋一齊已經好難得，所以要珍惜對方，𠵱家出去傾生意都帶埋老婆一齊去，等佢認識埋啲客人，畀佢安心啲。」