立法會政制事務委員會會喺明日舉辦第二次政改公聽會，噚日公佈二百二十三人嘅名單，出席嘅人士透過自己所代表嘅團體名稱，揶揄特首梁振英同警方，包括「慈母689軍總會」、「我媽不是慈母大聯盟」、「少理梁振英青年軍」、「禍港之星振英大叔返鄉下耕田以野衣夜支援小組」同「拒絕CY行動」。
其餘仲有「揭發偽普選假過偽鈔大聯盟」、「（笑喊）我要真普選（馬騮樣）」、「偲嫣BB真女神要真普選護衛隊」，個個都相當特別。政府成日都話希望市民多發聲，表達對政改的意見，相信呢張名單已經聽到唔少民間聲音。明日迎戰呢場公聽會係政制及內地事務局副局長劉江華，相信一定好戲連場。