謝婷婷與楊洛婷昨日現身金鐘太古廣場，出席Salvatore Ferragamo發佈腕錶活動，婷婷透露情人節會與女性友人齊齊下廚度過。記者笑她甩拖後頻頻與女友人約會，問她會否接受同性追求：「我讀書係讀女校，試過被追求，我當然拒絕，唔反對朋友有呢方面取向，拍拖唔係男就女，唔會介意。」
提到父親謝賢近日返內地拍攝真人騷節目，霆鋒曾擔心他已七十九歲高齡，希望他辭演，她表示：「呢方面我同哥哥有相反意見，爸爸由細到大做開，表演有人為佢歡呼，喺幕前工作更開心，可以keep住年輕，個節目應該唔辛苦，佢哋會睇住老竇，我都想度期上呢個節目。」此外，新婚的楊洛婷希望雞年生BB，她表示：「可以同老公同我湊同一生肖。」
採訪、攝影：羅慧敏