唔少富二、三代都有興趣嘅藝術界盛事巴塞爾藝術展（Art Basel）今年第三年在港舉行，而且由五月提早至三月，可能見到有市場，今年同期將會有一個新嘅Art Central（中心藝術博覽會）喺中環新海濱舉行，展期由三月十四至十六日，似係爭生意囉。
除咗日子撞到正，主辦單位入面，唔少都係由Art Basel過檔，例如聯合總監Eve Share Banghart。管理層就強調，佢哋唔係同Art Basel爭生意，而係提供另類選擇。
Art Central嘅藝術品，暫時訂價由一千至十萬美金不等，即係入門價八千蚊港紙有找。不過錢都事小，投資藝術品比買股票更考眼光，真係屬於長線投資，祝君好運了。