去年11月，鄭希怡出席活動時曾話化妝師老公Andy(梁學儲)「一擊即中」，陀B三個月，預產期係今年四月，當時Yumiko仲好搞笑咁話要幫BB改名做「梁浸浸」。話就話四月，但昨日Yumiko於網上轉貼老公ig張大肚相，老公仲寫道:「Coming soon…」好緊張呀！
Yumiko兩公婆同老死應采兒(丁丁)都係鬼主意多多，之前丁丁陀B嗰陣，都拉埋老公陳小春及老友影咗輯大肚相晒肚皮，兩公婆啜住pink pink奶嘴好得戚；至於Yumiko呢張大肚相一樣落足心機，身穿比堅尼，肚皮畫咗個應該係囡囡個樣，估唔到B女咁醒仲識整「星星眼」添，未知是否出自老公手筆呢？