【拆局】
四名入標擬購買亞視的商界人士，財力、背景各有優勢，不少政、商界人士均認為，北京或中聯辦必定有在背後發功或拉線，目的就是要在行會決定亞視續牌前，確保亞視財政狀況可以過關，可以名正言順繼續保住亞視。
有商界人士指，四名入標洽購亞視的商人，均無直接經營電視台經驗，從事的主業也不是與娛樂圈有太大關係，「之前傳過有娛樂圈商人想買，最後都冇沾手，反而唔熟電視、非娛樂圈嘅人就肯買呢盤蝕本生意」。
誓保「愛國」電視台
該商界人士直言，在商言商，買一盤「蝕緊又唔熟悉生意」非營商之道，唯一解釋是有其他邊際利益，「買咗之後可以搞好、提升同北京關係，喺另一邊賺番」。
另一政界人士說，早前有報道盛傳北京、中聯辦有份拉線，想由中資買起亞視，但礙於法例所限，非本地人不能做亞視持牌人，今次不排除也是有北京、中聯辦幕後發功，無非要保住亞視這個「愛國愛港」電視台，「等行會討論亞視續牌時可以過關，給予續牌，唔使有壓力要再發免費電視牌，到時唔知乜人投到仲麻煩」。
■記者莫劍弦