【壹週刊】臨近歲晚，市民四圍撲辦年貨，不少街邊小販檔睇見商機，都會大手入貨賺返筆，有長沙灣「牌檔」檔主，為求賺到盡，竟然違法將牌檔「劏租」，一個小販車仔咁大嘅「劏位」，日租一千蚊！
近日網上有人在討論區出post指有牌檔放租，朝八晚六，日租一千元，更明言年尾前數天，一定會加租。劏租牌檔位置就在長沙灣發祥街，保安道街市對開大街。
《壹仔》放蛇直擊，中間人梁小姐不斷向記者硬銷劏檔位置好、空間夠，朝早八時至十時人流最多，又揚言「做兩個鐘生意已經過萬」，又教路賣甚麼貨最好賺。
梁稱自己不是檔主，只是代檔主放租，賺點「茶錢」，更直認牌檔不可放租，但已同檔主「傾掂」交由自己搵客，實行有錢齊齊搵。
根據《小販條例》第13條列明，攤檔、牌照及攤位證不得分租或轉讓，一旦被揭發分分鐘被釘牌。牌檔檔主咁樣賺到盡，分分鐘得不償失。
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/