阿積士要追落後，周四於荷甲主場對前列的阿爾克馬爾（AZ）定傾力搶三分。但阿爾克馬爾狀態及實力俱不俗，故阿積士難望贏得輕鬆，博他們小勝一球，開出[-1]「和局」。（球賽編號：星期四4；now670台明日3:45am直播）
阿積士追趕榜首不容失
燕豪芬周二作客NAC贏2:0後，以二十一戰得五十五分續居榜首，領先優勢增至十二分。如阿積士要完成五連霸美夢，今仗非勝不可；他們歇冬後三場僅得一勝一和一負，但把握力強的前鋒史基賀臣或傷癒復出，加上施利臣、摩辛達、卡拉臣及米利克等主將都可披甲，人腳頗完整；儘管前線擔大旗的米利克已連續五場聯賽冇波入，惟此子把握力強，開「咧」至今於聯賽已入八球，有力為阿爾克馬爾後防帶來威脅。
阿爾克馬爾上場憑艾朗祖漢臣、貝侯斯及馬古斯軒歷臣各建一功而贏荷華高斯3:1，歇冬後四戰取得兩勝一和一負，狀態似乎比阿積士好。然而，中場靈魂柯列斯上場斷手，今仗肯定缺陣，就算仍有尼曼查古迪積及馬古斯軒歷臣等主力可披甲，球隊的實力亦在所難免受到影響。
阿積士整體實力在阿爾克馬爾之上，而且近年與對方交手表現好，對上三戰全勝，故周四有力於主場贏波，主W值捧，惟阿爾克馬爾相當硬淨，宜同時兼顧主隊小勝開[-1]「和局」。
文：吾中
識睇，一定係睇足英台【英波Live】：
http://soccer.appledaily.com
http://bit.ly/engballlive