有線娛樂新聞台噚晚播最後一集《我係梁齊昕》，齊昕講到要成為佢好朋友需要咩條件時話：「Loyalty、trust最緊要囉，要信得過，真心為我好。」咁佢有冇被朋友出賣過？佢笑笑口話：「兩個月前我可以好肯定話真係從來都冇，因為我帶眼識人，我識睇人。近兩月有少少不愉快事件，但唔係太犀利。我當人哋做一個朋友，係好真心，但後來發現對方有其他動機，或想跣你，hurt程度大好多，因為付出咗真心」，最後佢話被出賣嘅經歷只有一千零一次。
齊昕仲帶埋愛犬Sweetie同Bon亮相；問到會唔會同狗狗傾心事？佢話：「咁又唔會誇張到當佢一個人。」