【本報訊】立春了，雲海乍現的光景，是自然景色的瑰寶，有攝影愛好者在社交網絡建立群組，相約凌晨時分登山、冒着強風等候磅礡而來的雲海，從山頂上居高俯視，沿山巒流動的雲浪裊繞腳下繁華都市。
記者：黃靜薇
每年二至三月早春時分，天氣冷暖交替，是「捕雲」好時機；冷空氣沿山坡上升產生霧，霧滯留山谷便形成雲海。觀賞雲海最好於日出前一小時到達，記者周二凌晨四時多到達大帽山閘口，約半小時便到發射台下，十多名攝影愛好者已各據有利位置拍照。
須濕氣高風速平穩
由閃爍夜景等到天亮雲霧湧至，也需數小時，要碰巧遇上濕氣高、風速平穩的天氣，才有機會看到雲海。香港風景攝影會成員之一的Nikita年前開始拍攝星空、雲海，最享受當中等待的時光，「等一啲都唔辛苦，見到天空顏色嘅轉變，你會諗下一秒有冇再靚啲呢？」
擁有十多年攝影經驗的香港風景攝影會會長Tony，近年迷上拍攝大自然景觀，「睇到人哋影嘅相，先知香港咁細嘅地方都有咁靚嘅景色，好有衝動拍低」。
從事金融行業的Tony上班忙碌，但仍爭取上班前登山，平均每周兩、三次，「每一次影出嚟嘅相都有唔同，你預期唔到；夏天影到火燒雲、春天影雲海，好震撼」。大帽山、大東山、鳳凰山，都是熱門拍攝雲海的地方，最難捕捉雲海的是位於山頂的盧吉道，Tony解釋盧吉道高度僅四百多米，雲層要去到很低才形成雲海，比起九百多米的大帽山，成功機會較低，「上年二月有一日落雨，我哋九點幾就喺度等，等到半夜雨一停，一大片雲海喺西環嗰邊吹過嚟，大家都『嘩嘩聲』係咁影，好難先撞到一次！」
