高誠資本（8088）首席執行官胡景邵（Kelvin）前年收購hmv香港同新加坡業務後，積極幫hmv改頭換面以增加吸引力，中環HMVideal旗艦店內就有咖啡店、黑膠碟區，大玩生活品味概念。Kelvin噚日就暗示，諗緊喺銅鑼灣開另一間HMVideal。
假如HMVideal踩入銅鑼灣，會唔會敵不過誠品呢？好多人去銅鑼灣hea，都鍾意喺誠品睇書、嘆咖啡㗎喎。胡景邵不諱言，兩間公司不時俾人比較，但佢認為兩者嘅生意模式有差別，HMVideal唔會考慮分租舖位，仲會喺店內舉行音樂活動，又有網上至實體店（O2O）嘅體驗，「唔知誠品有冇嘞，so far我就未察覺有」。新店未開，似乎有人就想挑機喎。