馬雲喎！阿里巴巴創辦人喎！中國首富喎（曾經……）有機會同佢對談，梗係三生有幸啦！聽完佢講完，頓時覺得前途一片光明，希望在明天，真係想即刻就快快樂樂創業去！醒吓啦！學廣告話齋，你點知聽日一定好天？創業要成功，犧牲在所難免，首先要「犧牲色相」，即係犧牲你個樣！
同成功創業家馬雲對話，呢啲咁high-end嘅嘢千頌C唔做了，反而走去與毒到核爆的創業家對談，向你細訴創業家「媾女辛酸史」（以下為真實對答，非虛構，所以對話略為粗俗，但為加強現場感，唔大改）
毒：一個毒到唔敢開名的創業家
千：千頌C
千：你間公司都有啲起色啦，做咩仲唔拍拖，你鍾意邊type，要好嗲、又靚嗰啲呀？
毒：鬼咩！撒嬌又索嘅女人，都覺得創業男人最攞命。我識十個有女嘅創業朋友，九個條女個樣都好唔得！
千：這是甚麼Theory！創業經濟學2.0嗎？
毒：首先，講樣，創業家係一定唔會花時間執自己個樣，而我又明啲女，點都會想條仔執下，正如我都唔想條女太樣衰一樣。
千：執樣咁辛苦咩？Gel個頭都唔使好耐啫。
毒：吓？我呢年未拎起過Gel，應該話我呢幾年是冇Gel頭的。你唔見成功創業家頭髮，generally是好短？即係好似馬化騰、馬雲咁。我自己都越剪越短，都係因為唔想浪費時間搞。可惜啲女視之為「X」（唔出得街的數目字）而我又相信，長頭髮的男人，除咗artistic啲人外，真係好難成功，except長毛。
千：咁你幾耐買一次衫？
毒：正如Mark Zuck講，「我日日著同一件衫，因為如果每日要諗著邊件衫，我已經會make少左公司一個決定。」所以1年我會買兩轉Uniqlo。
千：咁見客點算？
毒：見客是靚啲的Uniqlo
千：咁唔講外表，你都可以用誠意取勝，總有女仔欣賞
毒：自己生意，根本冇放工，點樣有時間用誠意打動佢。之前試過溝條靚女，佢連U Grad都唔係，又係公屋妹，但我幫佢好多野。又幫佢寫幾千字Project，有求必應，但佢最後揀左件fashionable啲，但條仔一隻字都冇幫佢寫過。我有啲嬲自己，嬲呢個社會。結果，我大半年冇覆過佢msg了。
千：你又話冇時間，仲有時間幫人寫千字文？
毒：咪就是重力一擊但都輸，then我真的收皮了。
千：咁你創業咁有理想，我唔信冇女仔識欣賞你追夢！
毒：你可以夢想當飯食，但條女唔會陪你食囉。即係咁，食一餐港女正常拍拖餐300蚊，你會覺得好X赤，你會諗要做幾多嘢先create到300蚊。大家樂（341）30蚊lunch同埋老麥22蚊餐，係世界上最好嘅食物！有喜慶事要celebrate，會放縱下去翠華（1314）。
應該話，創業家suffer嘅野，一條港女冇可能明；明你的，就係嗰啲都冇執自己樣嘅女。
千：咁你想開拓靚少少嘅女性市場，你去買車啦，又唔係養唔起，媾女易好多！
毒：我知，但好悲哀，真係唔想咁。一來唔鍾意「貪車女」；二來又要用多啲 時間搞架車，到頭來我都唔覺得會媾到我想要的女。所以你明唔明，點解生意佬、創業佬有錢之後，多數會搵二奶！
千：咩料呀！又關事！
毒：梗關事！要一次過搵番初戀！
千：咁如果你依家唔係創業，咁你會做啲咩？
毒：梗係買架車去媾女啦！
by千頌C@堆填區
http://fb.com/winbigwok