有雜誌噚日報道齊昕為咗陪早佢一年畢業嘅男友Michael先停學返港，仲登埋佢哋嘅親密合照。齊昕見到報道後好嬲，喺fb猛打英文粗口「FXXK」大鬧，不滿雜誌竟然揭露一啲唔係公眾人物嘅生活。
而齊昕噚日喺有線娛樂台播出嘅第六集訪問中，亦提到自己會抱打不平，見唔道德或睇唔順眼嘅嘢，一定會出聲。
齊昕曾經講過好享受用納稅人嘅錢買名牌，被網民圍剿；重提此事，齊昕不禁搖頭苦笑：「我唔知點解英國人同香港人嘅幽默感係咁唔同，如果我同啲英國朋友講，佢哋會識笑，但係喺香港，唔知點解啲人當我講真？好奇怪。」
問到佢有乜嘢想同大家講？佢側側膊畀咗個忍笑表情加埋個「a little bit」手勢話：「香港市民，畀些少幽默感，的咁多。」