民陣二月一日嘅爭取真普選遊行，對立法會建築、測量及都市規劃界謝偉銓Tony嚟講意義重大，事關撇除當年以專資會身份幫過前特首煲呔上街為政改「起錨」，呢次係佢處男下海遊行，呢位監警會新丁，當日跟住主席郭琳廣等人實地視察，佢認為當日情況都幾順暢，可能同人數唔多有關啦！
查實當日Tony好趕㗎，一朝早就要喺從化坐車返香港，去到維園等住會合其他委員，好在此行冇令Tony失望，皆因首次「上街」，新鮮感十足，佢仲話呀，長毛沿途叫咪以及其他組織代表途中唱歌等，都吸引到佢駐足細賞，最終墮後於其他委員，要急急追返上大隊㖭呀。