「小燕子」趙薇同「紫薇」林心如自從98年拍《還珠格格》爆紅後，再拍《情深深雨濛濛》演依萍同如萍兩姊妹爭仔，一樣大受歡迎，呢對「格格」一直感情唔錯，早前林心如39歲生日，趙薇都有喺微博恭祝對方，大晒姊妹情深、友誼永固。
日前趙薇貼出二人合照，留言道：「時間沒有去哪兒?久違重逢倍感溫馨!愛你林心如。」之後林心如就喺微博回應道：「愛你~一起長大的好姐妹。」前日林心如再喺微博貼出佢哋嘅咀咀相，留言：「這就是愛～」即吸引過萬fans留言，27萬人轉載，有網民回覆「皇阿瑪不好了!紫薇和小燕子在一起了」、「看了那麼多年的還珠格格如今才知道結局是這樣的」，亦有人開玩笑問心如，寫道：「別告訴我，你這樣久沒結婚的原因是…」。
其實林心如一直緋聞不絕，又有傳佢同蘇有朋拍拖多年，「小燕子」趙薇依家又結咗婚，生咗囡囡，相信都係因為太耐冇見好閨蜜，先忍唔住咀咀。