周三賽事各駒配搭及排位已公佈，有一位練馬師所有參戰馬全部抽晒內檔，邊個咁好運？咪就係現於練馬師榜排首位嘅大摩，今期三匹列陣馬三場「海紅寶」、六場「君悅灣」及七場「車神」，前兩駒排二檔，後駒則排一檔，真係未跑先贏運。其中「海紅寶」及「君悅灣」上仗都跑入前四名，今次繼續起用馬房殺手莫雷拉及羅理雅，有力替近三次谷戰皆有馬贏之大摩再添進賬。