學聯「男神」副秘書長岑敖暉Lester，最近同前學聯副秘書長何潔泓傳緋聞，噚日八方見兩人喺民陣遊行中嗌咪時，刻意保持距離，而Lester被問到會否去女友嘅土地正義聯盟幫手時，甜笑拒答。
雖然Lester唔再hehe兼傳緋聞，但完全不減男神號召力，帶領市民高喊「釋放梁齊昕，釋放真普選，老竇無得揀，政府自己揀」口號時，唔同年齡層女粉絲都上前握手，連最近創立「法政匯思」嘅法律界「男神」梁允信（Wilson），都上前同佢合照。Wilson其後話，一直好仰慕Lester，「覺得佢好犀利、好勇敢，當然佢先係男神」，噚日向對方送咗個「法政匯思」襟章，希望男神幫手宣傳。