睇吓啲眼線同埋眼睫毛，小姐，你真係嚟踢波？高一米八七嘅趙麗娜唔單止識踢波，仲勁過你同我，佢係中國女子足球代表隊嘅門將，呢排喺廣州集訓，但因 為個樣，佢呢排做咗網絡紅人，有人話佢靚，又有人話佢麻麻哋；有人話佢係高妹有長腿，但亦有網友話：「戴假睫毛踢球也是醉了！」不過，我求大俠心諗，基斯坦奴朗拿度踢波都gel頭啦，冇理由只准男足gel頭而唔准女足化妝嘅。好似皇家馬德里中場占士洛迪古斯老婆奧絲賓娜，佢身高一米八三，𠵱家效力緊皇馬女排隊，打波嗰陣都化行晒妝啦。佢喺星期日有比賽，老公占士洛迪古斯仲帶埋個囡去捧場。