相信大家平時都會喺facebook update status，但有冇發覺唔係每次都有嘢好講？查實寫專欄仲苦惱過update facebook︰「我啲朋友話，唔緊要啦，你平時都咁鍾意寫嘢，又喺facebook度寫吓嘢。但係我話，係兩回事嚟。facebook嗰啲係諗到，有題材，想寫就寫，但當你變成一種好似專欄咁，要定期出現嘅嘢，就會有壓力！」
諗諗吓又係喎，睇人做好過癮，自己做就好頭痕。伍家謙就舉咗個好貼切嘅例子︰「我太太讀中史嘅，我話好過癮喎，我都鍾意睇歷史，但佢就話，如果你作為故仔咁睇，梗係過癮啦，但當你要考試、背making scheme、記住寫邊個年份會加分嘅話，咁就一啲都唔過癮喇！」寫專欄發噏風，怕且比我哋想像難好多呀！
星期三至日《亂噏24》！寫專欄、難上難？