上周六英超早場，紐卡素憑雷米卡比拿、森美艾美奧比及高法蘭各建一功，作客以3:0擊敗「老虎」侯城，打開二○一五年勝門，亦是賽前「中頭獎」的領隊卡華的英超首勝。
紐卡素連同盃賽三連敗，英超一席隨時受威脅，「坐正」領隊至季尾的卡華也患得患失，賽前步出隊巴時，頭部竟意外撞到隊巴睹後鏡，場面搞笑。同樣賽前三連敗的侯城，為護級搶分心切，上半場機會也較多，十八分鐘艾穆罕默迪右路傳中，中堅居迪斯戴維斯近頂，但被客軍門將告魯爾撲出，再由高洛仙尼護空門。紐記處劣勢下卻憑一次反擊得手，四十分鐘雷米卡比拿把握對手失誤施冷箭建功，取得加盟後首球。完半場前艾穆罕默迪以「上帝之手」建功，但旁證明察秋毫，艾穆罕默迪食詐糊外更被罰黃牌。
換邊後紐卡素再憑森美艾美奧比於五十分鐘勁射入網，拋離至2:0，老虎餘下時間傾力反撲，可惜破蛋乏力，紐記及後再有高法蘭建功，助球隊作客大勝3:0，相反侯城搶分失敗，護級壓力日重。
文：牽牛
識睇，一定係睇足英台【英波Live】：
http://soccer.appledaily.com
http://bit.ly/engballlive