麻煩多多嘅加拿大小天王Justin Bieber前日先拍片公開懺悔，話自己喺過去一年幾自大又自負，佢拍片嗰陣嘅真誠態度，搞到李村姑都有小小感動。不過呢種感覺只係維持咗三秒，因為佢噚日喺社交網站上載咗張好似去緊大便嘅相，真係好唔理人哋感受囉。小Justin係就係叫人睇地下張鑽石形嘅地毯，但係佢條Calvin Klein底橫就除到落腳眼，呢個姿勢應該係開大。
小Justin雖然越嚟越騎呢，但係仲有好多死忠粉絲，噚日仲有個妹妹仔粉絲喺比華利山坐車跟小Justin車尾，點知度門都未關實，搞到妹妹仔成個人跌咗落車！
撰文：李村姑
