由吳君如主演兼監製的賀歲電影《12金鴨》昨日於銅鑼灣舉行宣傳活動，片中演員包括古天樂、劉浩龍與姜皓文等均有出席，眾人一同為金鴨揭幕，更別開生面舉行「拉頭鴨」儀式，而數名半裸男模在場派福袋，場面熱鬧。
君如即場宣佈擺《12金鴨》年宵攤位，下星期五（十三日）正式「開業」，君如說：「攤位就算唔係全場最靚，都會好金，我哋會將賣貨嘅錢捐去慈善機構，而福袋入面有boxer、茶包（英文諧音T-back），飲完之後壯陽益肺，我會送畀爸爸。」她又透露以數十萬元投得年宵檔：「到時我一定會去，下星期五同年三十晚都會去，已經叫咗好多演員睇檔，一人一晚。」
古仔再戀李若彤
戲內陳妍希與李若彤均會飾演姑姑，而李若彤自十六年前跟古仔合演《神雕俠侶》後再結片緣，古仔說：「我哋已經十幾年冇見，十六年後再合作，好多人都期待。」他表示李若彤十六年如一日，身旁的君如則爆料說：「我問過李若彤佢哋合作有冇擦出火花，佢話古仔十六年如一日，都係匿埋一邊。」君如更笑指陳妍希跟古仔之前的緋聞都是煲水新聞，相信大家較渴望看到李若彤跟古仔這一對。
劉浩龍未諗結婚
另外，劉浩龍透露不會與容祖兒情侶檔到年宵檔，問到祖兒早前指想找個好歸宿，劉浩龍說：「呢段時間做好工作先。」記者笑問他會不會「龜縮」？他說：「唔係龜，係鴨嘛。」至於被指因他拉攏令祖兒與千嬅破冰一事，他說：「我係劉浩龍，唔係拉攏。」
採訪：王連連
攝影：陳俊強