【上車艱難】
樓價高企，市民上車之路甚艱苦。今次以天價易手的大角嘴海富苑居屋王，買家是一名年約二十五歲的「八十後」少女，雖然在家人資助部份首期才上車成功，但為了減低每月供款負擔，計劃向銀行借盡九成按揭，還款年期攤長至三十年，即供完層樓已經五十五歲了。
「點都叫市區樓」
據促成交易的地產代理表示，這名「八十後」少女在市場搵樓大概一個月，目標是三百萬元左右的上車盤，周圍睇過好多樓，前後睇過屯門及荃灣約七個盤，惟「呢個budget（預算）真係冇乜好揀」，睇過屯門居屋兆康苑和兆禧苑，而部份單位的內櫳更殘到有點恐怖。屯門位置偏遠，最平也要三百多萬元，而且銀行估不到價，最後揀海富苑，雖然是呎價很貴，但銀碼細，「點都叫市區樓」，保值力較強。今次購入的居屋王，睇兩次就買，第二次帶埋父母「過目」後，即日決定入市，並由家人幫補部份首期。
買家為減低每月供款，擬申請最長九成樓按，即首期約三十萬元，餘下還款期攤長至三十年，以目前年息二點五厘計算，月供約一萬一千元。海富苑屬房署可租可買計劃之一屋苑，建有六幢共逾二千八百伙，只有一幢（海寧閣）屬出售居屋，其餘屬公屋。
■記者朱連峰