【壹週刊】 韓劇最近套套都拍人格分裂，由玄彬主演嘅《海德哲基爾與我》，同時段有另一套題材幾乎一樣嘅劇打對台，不過話晒玄彬都係相隔4年、退伍後第一套電視劇，梗係唔輸得！
《海德哲基爾與我》講述玄彬係一個經營主題樂園冷血社長，女主角韓智敏係樂園入面的馬戲團領班，不過玄彬其實隱藏另一個人格，善良溫柔，俠義心腸。
題材同另一套韓劇《Kill Me Heal Me》幾乎一樣，原作者喺網上罵戰已經引起話題，再加上男女主角都好有觀眾緣，劇迷都好期待。玄彬因為《秘密花園》成為師奶殺手，今次再拍時裝劇，已經係相隔四年多，fans等到頸都長，做返一貫擅長嘅刻薄富家子，偶爾整個迷人笑容，fans暈晒啦。《海德哲基爾與我》播咗兩個星期，成績唔錯，我地會同大家每個星期追劇，大家記住留意！
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/