近日英國天氣轉差，尤其北部，漫天風雪，唔知會唔會影響周末賽事？矚目大戰，今晚喺倫敦上演，已落後車仔五分嘅曼城，今晚在榜首戰有力變身，受讓取下盤！
英國近日「反常」，漫天風雪，喺英國住嘅表弟，都話前晚倫敦落雹。𠵱家啲英超球隊富有咗，肯揼本落球場管埋，所以甚少影響到比賽。正如賽事爆冷，其實係球賽一部份，唔使太上心，近期有評論話因為英聯盃仲緊要過足總盃，幾出位喎！
今晚嘅主角車仔同曼城，上周六足總盃主場齊爆冷出局；如果話佢哋嘅戰意有疑點，我諗曼城更值推敲。賽前，周五晚先由老細嘅基地阿布扎比，集訓完返到英國，準備周六主場鬥英冠強隊米杜士堡；睇番領隊比歷連尼輸波後話一力承擔，硬食死貓居多，球會上下嘅集訓目標，係今晚硬撼車仔。
睇過上仗，米堡贏在嗰位後備龍門米積亞斯神勇，全場作出八次撲救；曼城冇身在非洲嘅耶耶托尼，繼續唔識贏。另外兩骨幹，高柏尼同阿古路（圖），都係傷癒正選復出後次仗；其中阿古路，狀態明顯比鬥阿仙奴時提升，唔好忘記，呢位暫排聯賽次席射手，加盟曼城後，近三季聯賽鬥車仔必有波入。首循環迎車仔，藍月靠林柏特倒戈扳平；佢哋暫時係今季英超作客王，七勝三和一負，今場再輸嘅話會落後車仔八分，衞冕渺茫，結合戰意同賠率，值追可能係最後一次。
車仔，今季聯賽主場十場全勝，不過近兩仗盃賽主場不勝；佢哋周中仲要耗力英聯盃，同利物浦激戰至加時先過關，上季冇盃落袋，果然肉緊啲。但代價係今季英超助攻王法比加斯受傷，今場缺陣；而首席射手迪亞高哥斯達打茅波，被秋後算賬，上訴失敗照樣停賽三場，代替位置嘅雷米或杜奧巴，今季加埋只喺聯賽正選上陣3次，喺呢類頂級戰，擔大旗吃虧。
策略，單頭一注曼城下盤；過關取冷「和」，配喺英冠超班少少嘅米堡，取上盤，同攻擊周中耗力打英聯盃嘅紅軍，讓唔起韋斯咸半/一；上盤博少讓般尼嘅新特蘭，簽埋射手迪科爾，喺東北「冰封」另一護級隊般尼。
波神
神級攻略 智破足彩