三十歲如人生一條界線，很多人趕結婚生仔，二十九歲陳沛嘉（Annie）選擇第四度創業，地點在澳洲。她說租金是主因，「香港一個五十呎地方，講緊好唔出名商場，都要萬幾蚊，已經冇人流冇生意，點交嗰萬幾蚊租？」她在香港三次創業一蝕兩平手，但創業夢不死，「對我嚟講今年四月就三十歲，三十歲我諗番轉頭，嘩！我可以講咁多嘢。雖然我輸，但我輸得幾好睇」。
Annie性格率直爽朗，女人視為秘密的年齡，她大方透露。她出身小康之家，中學畢業後做過麥當勞、旅行社的服務大使，亦有做自由身化妝師。四年前靠積蓄和家人資助的數萬元，在尖沙嘴加連威老道開設樓上舖，投資十多萬元銷售韓國化妝品。
心急開業 蝕十多萬
她指心急開業犯下連串錯誤，「最錯最錯就係冇計劃，喺一個月內入貨、租地方、開舖，呢個係錯到不得了」。店舖建築面積七百呎、月租兩萬多元看似便宜，但大廈門口不顯眼，要上樓梯再搭電梯才到店面，很難吸引顧客上門，經營不足一年便虧蝕十多萬元倒閉。
倒閉的致命傷是未有計算進貨成本，Annie每月搭飛機去首爾入貨，機票成本已逾二千四百元，瘋狂購物看似是女性夢寐以求，但有苦自己知。她試過凌晨落機在機場睡覺，九點去東大門入貨，然後即日返港，「你估唔到我咁既女仔，可以拉兩個最大行李箱，揹住大爬山背囊，然後手抽幾袋嘢去郵局寄晒，返去再攞貨再hand carry（手提）返香港」。
Annie第二次創業轉戰尖沙嘴CKE商場，一個五十呎舖面租金近一萬元。她吸收首次創業教訓，先在美容展聯繫廠商入貨，投資十萬元銷售新品牌的化妝品，但銷情平平，靠化妝服務彌補生意額，一年後平手結業。
為了增加化妝品、美容知識，Annie在香港專業教育學院沙田分校進修化妝品科技專業證書，二○一二年畢業後，第三次創業開設美容院，四百呎店舖月租一萬三千元，每日下班後在店舖睡覺，翌日起床便工作，最終平手離場。
轉戰澳洲 租平舖大
Annie指香港創業環境轉差，貴租是死症，首次創業的舖面，已換了數個租客，最新租金突破三萬元，加上化妝品連鎖店越開越多，小店難以突圍。她在墨爾本考察發現當地經營環境更佳，兩萬元港幣可租七百呎舖面，加上當地華人多，有客源可供開拓。新公司四月開業，主要提供美容、健康和運動諮詢服務，暫時投資數萬元。她坦言不怕再輸，「三十五歲前你唔去博，當你四十歲諗番自己一生，好似乜嘢都冇做過，日日都返工放工返工放工」。
■記者潘柏林