上周英足盃真的爆到七彩，相信連領隊、教練、球員及球迷，都一定「O晒咀」。曼聯客和劍橋聯，你或會認為有陰謀論，兩隊都想賺多一場票房收入，紅魔鬼甚至要求季票球迷重賽要買票，否則不能看主場對新特蘭，劍橋聯亦多一場二十五萬鎊直播收入，未打已可以笑到最後。
不過戲肉是榜首雙雄車路士及曼城，主場不敵巴拉福特及米杜士堡。回顧比賽過程，爆冷不算意外，但真的學摩連奴話齋：「離譜」，但可以叠埋心水踢今周榜首大戰，點敢話唔好？
最特別是一些英超護級分子，沒有心理壓力，輕裝上陣，贏到固然好，輸亦無壞，結果越打越好，李斯特城、水晶宮、西布朗及阿士東維拉統統晉級，四場都開出全場入球「大」。
周六有兩場矚目大戰，當然不少得亞洲盃決賽，澳洲繼分組賽之後，再次遇上南韓，當時南韓小勝1:0。今屆亞洲盃最有趣是分組賽沒出現和局，但一打淘汰賽，八強四場及準決賽兩場，半場同全場多開出入球「細」。南韓在今屆賽事仍未有失球，澳洲亦只在分組賽失兩球，兩強對決，半場入球「細」熱食。英超榜首大戰，車路士鬥曼城，但要考慮周中用強陣打到加時淘汰利物浦，打入英聯盃決賽，休息三日後再踢大戰，預期先求穩陣，加上車仔近五次英超主場鬥曼城，半場四次打和，沒理由跟黃金數據作對！
STEPHEN、立民
有線球彩台 智勝館主持