咪以為做freelance好自由，睇戲嗰啲只不過係做戲咁做，伍家謙就踢爆︰「查實做freelance一啲都唔free！我仲以為可以瞓到日上三竿，鍾意寫吓嘢就寫吓，幻想中係咁樣o架嘛！」錯錯錯，邊有咁筍o架？
方健儀都有經驗分享︰「我其實噚晚先落機，去咗東京五日，但係今次我孭住一個專欄，仲有一個教材，於是每晚得閒嗰陣都要寫啲啲，浸完溫泉都仲要開機，做到半夜兩三點！」
身為過來人嘅徐緣就身同感受︰「孭住個專欄喺身真係好辛苦o架，個個禮拜都要做！」係啦，連旅行都要做嘢趕稿，慘絕人寰呀！
星期三至日《亂噏24》！freelance一啲都唔free？！