寓興趣於工作係最幸福嘅，方健儀就遇上咁嘅機會︰「其實一直都好鍾意做手作仔，不過做記者真係好忙，直到到咗廉署做OL，同事就問有冇興趣上堂，於是就去學。一開始做之後，就愛上咗做皮革，因為整咗一件產品出嚟，滿足感真係好大！」
咁點解貿貿然將呢份興趣變做生意呢？原來係fans鼎力支持︰「我整咗一啲小小嘅咭片套嚟賣，又放咗上facebook測試吓水溫，結果有唔少反應，大家會問「呢個係咪賣o架？」「呢個幾多錢呀？」我就反問返佢「你真係會買？」咁我就諗，都得喎，我可以落order做喎！」一個大師的誕生，原來fb就係媒人！
星期三至日《亂噏24》！手作仔變生意之路！