【本報訊】不少圈中人昨送別林保全，與他長年合作的無綫配音組同僚，傍晚時份陸續到靈堂，無綫高層區偉林、彭濟材、樂易玲，友好黃夏蕙、周潤發胞姊周聰玲和譚炳文等，也有到場致祭。
「陪我做咗好多年」
譚炳文形容與保全關係亦師亦友，聞死訊黯然，「可能心臟病啦，我都有，有次差啲冇，好彩袋住脷底丸。以前我地一齊去澳門做嘢，佢老婆都有去，好似一家人咁」。
林保全曾是洪金寶的御用配音員，洪金寶昨由無錫趕返港出席喪禮，在靈堂內逗留約半小時，他說：「我同保全識咗好耐，因為大家成日喺密室見面，大家都係老朋友，由我未識嘢，到我開始入電影界做演員，到做主角，佢都陪我做咗好多年，佢為人好溫和。」
■記者黃君怡