後生仔榮升做業主，請來好友兼設計師為他設計新居，憑大家相識十多年彼此交心，不詳談設計細節，只瀟灑拋下一句「型咗先」，成功打造出潮人部屋，關鍵原來是夠黑。
記者：溫潤潔
攝影：江俊豪
業主平常放工多數夜歸，回家只為休息，越暗越適合，因而用黑色。客廳以黑木做電視背板，貪其黑得徹底，飯廳一壁鋪密集磨砂波點的灰鏡，黑得有亮澤，加上圓圈圖案，切合年輕人開朗個性。地下鋪人造木地板，以深淺灰木色相間對比，感覺時尚。
顧及收納需要，灰鏡側旁造三組三角形櫃，用來放雷射碟及書本，櫃外全黑，櫃內層架卻是紅色，玩玩撞色效果，搶眼之餘，帶點朝氣，名副其實「紅得有格」。客廳電視櫃造型奇趣，以雙梯形上下交錯組合，闊窄斜度迥異，搞搞新意思。
撞色帶出驚喜
業主與爸爸住，兩個人不需要三間房，拆通兩間擴大做主人房，繼續黑色主導，包括地台床、書枱、飾櫃及衣櫃。衣櫃及抽屜內櫳紅色，呼應飯廳「少少紅，多多趣」，撞色炮製驚喜。上天下地床頭及四周造燈槽，有不同燈光組合，想亮度十足睇書砌模型，或想偏暗有氣氛看電視，悉隨尊便。
黑色冷酷，業主很喜愛，但他又想房間有些原始味，床頭特色牆鋪泥水磚紋牆紙，顏色灰灰白白，與黑色家具很相襯，共融一起。
爸爸對睡房無甚要求，設計師訂造深啡色木家具，佈局沉實，加幅樹紋牆紙做特色牆，同樣成熟穩重，合乎長輩年紀。
物業：屯門兆康苑
實用面積：548方呎
家庭人數：2人
設計及裝修：尚室內設計工程（9707 5320）
歡迎讀者提供單位拍攝及介紹，請將資料傳真2370 3886或
電郵mailto:[email protected]