有線娛樂新聞台噚日繼續播特首梁振英乖女梁齊昕（圖）個訪問，今次主持問佢爸爸做咗特首之後，生活上有乜嘢分別，齊昕話其實佢住山頂同住禮賓府冇乜分別，又話自己要求好簡單，「有洗手間有張床咁，有嘢食咁就得㗎喇」，不過佢都覺得禮賓府係好有歷史文化，覺得好榮幸可以住喺度。
齊昕又講到自己兒時生活點滴，話細個爸爸唔會畀佢去朋友嘅Birthday Party，但係佢就試過偷去一、兩次。
佢又話母親節冇送卡畀媽媽，不會送擁抱畀父母，直言爹哋唔會做呢啲嘢，又話心目中嘅父母係strict（嚴格）啲，但知佢哋係好愛錫自己嘅仔女。