憑《越難越愛》爆紅的吳若希越來越多是非，由公屋進駐何文田豪宅，忽然富貴的她近日更揸厭舊車Range Rover，改以落地僅數日的新寵Mercedes-Benz A250代步，這輛火紅Benz外形前衞，售價約四十萬元，泊在她住所君頤峰的停車場內甚為搶眼。
車主另有其人
吳若希的新車於本周一（二十六日）才落地，大前日下午約五時許她於將軍澳收工後，電召的士到觀塘的車行取新車，怎知被本報記者撞破，吳若希落的士後即衝口而出說：「我嚟攞車，你哋搞到我唔敢攞。」之後再搭的士返家嘆富貴鮑魚麵。原來，翌日吳若希趁沒記者追訪，即到觀塘駕新寵返家並泊在停車場，惹人矚目。
不過，本報翻查車主登記資料，發現這輛Benz的登記車主是星溢國際有限公司，該公司有兩名男董事分別姓郭及姓黃，昨日記者致電吳若希問是否換新車？她支吾以對說：「我唔係好方便答你。」
另外，有讀者報料指投資開拍《金雞2》的Rick Tam幾年前曾跟吳若希拍拖，有次電影搞活動吳若希不請自來博見報，事後令Rick的老婆有怨言，問吳若希是否曾跟Rick拍拖？她說：「黐線，唔係真嘅嘢唔答。佢係一班朋友嘅朋友，我唔係好肯定佢係邊個，有啲亂，冇聯絡。」對於被指不請自來，她沒好氣道：「《金雞2》即係乜嘢嚟？即係邊套呀？哦，吳君如嗰套呀，我有份拍㗎《金雞sss》，佢係咪有病呀！」
採訪：皓騫、麥萍萍
