八方之前寫過，袋巾已經忙於為寫揮春練字，原來佔中三子都開筆趕工寫揮春。陳健民就喺佢facebook貼咗幾張揮春，有「抗命不認命」、又有「莫忘初衷」等（圖），原來當民陣喺二月一日搞遊行爭取民主時，一班由佔中義工組成嘅「撐傘落區」會喺灣仔北海中心對出擺街站義賣，目的係籌錢用作社區教育工作，作為三子之一嘅陳健民自然出力，所以寫咗五款揮春義賣，每套賣廿蚊；雖然唔貴，但陳健民寫明「歡迎市民用更高價購買」。佔中三子唔似左派有北京泵水，梗係想市民捐得越多越好！八方唯一擔心嘅係，差人會唔會屆時嚴打街站，影響佔中三子嘅籌款大計？