谷祖琳（小谷）昨午在大坑自家的甜品店「小甜谷」舉行記者會，為一護膚品牌宣傳，同場的嘉賓還有蔡穎恩（Evelyn）及Super Girls的李靜儀（Heidi）。小谷於兩個月前再為人母，誕下二女，這次是她產後首次露面。
甜品店再開分店
去年十一月產女的小谷，昨日已經極速修身見人，她接受訪問時笑言減了差不多三十磅：「細女𠵱家都已經兩個月零幾日大，改咗名叫劉悅，同家姐個名劉心嘅意思都係一樣，希望佢哋生活得開心。」小谷透露兩個囡囡可能遺傳了自己山東人的血統，身體比較強壯，她說：「細女出世七磅五安士都係正常體重，喺頭一個月餵人奶，𠵱家已經十三磅重，兩個月大要着六個月BB嘅衫，真係好誇張！家姐今年兩歲幾，已經着緊四歲小朋友嘅衫。」問到會否再追囝囝時，小谷自言很想，不過老公仍然有保留，所以都是順其自然，因為現時做父母壓力很大，要為大女的入學問題費心，而年中甜品店又會在尖沙嘴或銅鑼灣再開分店，所以娛樂圈的工作會稍後才考慮。
Evelyn想男友慰藉
另外，Evelyn早前為香港電視拍攝的劇集《童話戀曲201314》被指點擊不佳，她自言曾經為此不開心，Evelyn說：「最初有唔開心，不過電視台話算OK，因為係網上平台。咁啱嗰排男朋友唔喺香港，少咗個人開解。」她表示《童》劇是兩年前的作品，當時自己仍很幼嫩，因此仍有進步空間。
採訪、攝影：王連連
