現政府很多政策倒行逆施，固然易惹反彈，惟近期發現，就算政府想到合適政策或施政方針，由於未能掌握實況，相關政策或建議最後亦只落得被圍攻份兒。遠的不說，日前金融發展局發表的《發展香港金融服務業人力資源報告》便是好例子。
為何這樣說？周三寫過，報告公佈當日，有大型私募基金「阿頭」已按捺不住致電密西比，對香港「無基金論」破口大罵，想不到事隔多日，輪到投行朋友因這份報告找密西比，指很想知道到底是誰人負責撰寫。
朋友最不滿是投行人手言論。朋友說：「乜嘢叫做業界人手需要是有增無減？實情係𠵱家只有內地券商要請人，其他券商真係唔裁員都偷笑！」
請甚麼人多？他說：「內地人囉，係冇得揀喎，資金來自內地，生意又是來自內地，內地人做法同思維咁『獨特』，唔請內地人可以點？」
還有沒有聘請港人？朋友苦笑：「暫時都仲有，主要係砌deal同後勤工作，遲啲就好難講。」這樣恐怖？他嘆口氣說：「原本大家估仲有幾年玩，滬港通加速了香港投行嘅萎縮時間。兩個字，玩完。」又一中港融合「成功」例子。
密西比