「今天不小心把心愛的水杯打碎了 ，事後我用了十五分鐘去細心欣賞……」今時今日仲講呢啲，out啦！不如睇吓台灣天團五月天主音阿信噚日喺fb寫咩啦。
#倒熱水聲較低沉
「熱水跟冷水，倒在杯裡的聲音不同，你們都知道，我很喜歡聽熱水倒杯裡的聲音，問題是，我不喜歡喝熱水。有人也是這樣嗎？」阿信呢段可能係最文青嘅潮文。
費清淨係知道，凍水或熱水唔小心倒喺手，（我嘅）聲音會有唔同（超爛）。為咗測試吓係咪真，費清斟兩杯凍、熱水，結果真係倒凍水喺玻璃杯嘅聲音清脆啲，熱水就聲音低沉少少。
請教港版神探伽利略、理工大學機械工程學系工程師盧覺強，佢簡單解釋因為熱水表面帶有蒸氣，卸咗少少水啲衝力，水接觸杯面聲音會較低沉；相反，凍水就直接衝擊玻璃杯，聲音就響亮啲啲。
我想我找到了答案。（利申：呢句明抄周柏豪）
費清 ＃要生計，也要生活 ＃毋忘初衷