第一家庭女兒唔易做，齊昕近日新聞多，更首次接受電視訪問，今晚七點亮相有線《娛樂新聞》，據講佢錄影時表現興奮，暢談童年舊事，更坦言性格反叛，令父母好激氣、好頭痛。
齊昕之前言行，有人批評佢「拜金」，佢話的確有好多富二代朋友好揮霍，細個時朋友會開奢華生日會，「不過爸爸從來唔准我去朋友仔嘅派對」。齊昕我行我素，佢形容自己鍾意抱打不平，「如果有人傷害我最親嘅人，我會睇唔過眼」。佢又話會同父母鬥嘴，「可能因為我思想較西化，爸爸媽媽就好傳統，所以有時會有唔同意見，其實我內心都好孝順佢哋，只係有時貪玩搞到佢哋好激心」。