公仔箱新聞主播頻頻出走，利用名氣搵真錢，包括三年前離開無綫後，加入廉署做高級新聞主任嘅前主播方健儀Akina。佢𠵱家係自由工作者，雖然已為人妻，但佢嘅前主播背景，仲吸引唔少高登仔，嚟緊星期六職訓局才晉高等教育學院（SHAPE）課程資訊日，佢會喺一個講座，分享淡定嘅秘訣，睇嚟會大爆有唔少應付突發場面嘅經歷。想知佢點教路，當日下晝兩點可以去到調景嶺知專設計學院捧場。
今次才晉學院搵Akina嚟講座，其實係幫才晉做公關嘅前亞視主播繆美詩拉線。美詩姐話淡定係好重要，尤其見工時係必須，見慣風浪嘅Akina係適當人選。見到美詩姐，當然要問吓佢點睇良心亞視，佢一聲嘆氣，盡在不言中。